გარე დაკვირვების გაკვეთილის გეგმა N3

                                                                           გაკვეთილის გეგმა N3

მასწავლებლის სახელი, გვარი: მთვარისა ბესელია

პირადი ნომერი: 18001027496

საგანი: ქართული ენა და ლიტერატურა

სწავლების საფეხური/კლასი: საშუალო, მე-12 კლასი

მოსწავლეთა რაოდენობა: 10 მოსწავლე (სსსმ მოსწავლე კლასში არ არის)

გაკვეთილის თემა: გალაკტიონ ტაბიძის „თოვლი“--სულის მდგომარეობა თუ რეალური სამყარო?

გაკვეთილის მიზანი:

მოსწავლემ

ü  ამოიცნოს სიმბოლოები, გაიაზროს თოვლის მხატვრული სახის ღირებულება ლექსში;

ü  დააკვირდეს  ავტორის სუბიექტურ და ობიექტურ  სახისმეტყველებას ლექსში;

ü  გამოხატოს საკუთარი თვალსაზრისი გაკვეთილის თემად გამოტანილი სადისკუსიო კითხვის მიმართ, დაიცვას სათანადო არგუმენტაციით.

გაკვეთილის თემისა და მიზნის შესაბამისობა ეროვნული სასწავლო გეგმის მოთხოვნებთან:

გაკვეთილის თემა თანხვედრაშია საგაკვეთილო მიზანთან.ეს თანხვედრა შესაბამისობაშია ეროვნულ სასწავლო გეგმით გათვალისწინებულ სტანდარტთან.

ქართ.XII.5.მოსწავლეს შეუძლია სხვადასხვა ეპოქის,ქვეყნისა და კულტურის ტექსტების გააანალიზება მათში ასახული ინფორმაციის,თემების, იდეებისა და პრობლემატიკის თვალსაზრისით.

შედეგი თვალასაჩინოა,თუ მოსწავლე:

ü  იზიარებს/არ იზიარებს ნაწარმოების პერსონაჟის ან ავტორის შეხედულებებს; გამოხატავს საკუთარ დამოკიდებულებას და სათანადო არგუმენტაციით იცავს მას;

ქართ.XII.8.მოსწავლეს შეუძლია მხატვრული ენის სხვადასხვა ასპექტების გაანალიზება

შედეგი თვალსაჩინოა,თუ მოსწავლე:

ü  წაკითხულ ნაწარმოებში ამოიცნობს მხატვრულ სახეებს და შეაფასებს მათ ეფექტურობასა და მნიშვნელობას;

ü  განარჩევს მხატვრულ ნაწაროებში მოვლენათა(ავტორისეულ,პერსონაჟის) სუბიექტურ და ობიექტურ ხედვას;

ü  გაიაზრებს კონკრეტული მხატვრული სახის ღირებულებას მხატვრულ სახეთა სისტემაში.

N	აქტივობის მიზანი და აღწერა	გამოყენებული მეთოდები	კლასის ორგანიზების ფორმა/ ფორმები	სასწავლო რესურსები (დაასაბუთეთ რესურსების მიზანშე წონილობა სასწავლო მიზნებთან მიმართებაში)	დრო(წთ)
1	პოზიტიური საგაკვეთილო განწყობის შექმნა საორგანიზაციო საკითხების მოგვარება გაკვეთილის თემის, მიზნის, ესგ-ის სტანდარტისა და შეფასების რუბრიკების განსაზღვრა ლექსის წარდგენა	ვერბალური კომუნიკაცია	მთელი კლასი	საკლასო ჟურნალი, კალამი კომპიუტერი, პროექტორი საინფორმაციო პოსტერი (გაკვეთილის თემა,მიზანი, შეფასების რუბრიკები)	5წთ.
2	მოსწავლეთა ბუნებრივი ინტერესების სტიმულირების მიზნით, აგრეთვე, წინარე ცოდნის გასააქტიურებლად, თოვლის ასოციაციისთვის კოგნიტური სქემის შექმნა აქტივობის აღწერა: მასწავლებელი სთხოვს მოსწავლეებს, გამოთქვან ასოციაციები, რომლებსაც თოვლი იწვევს მათში	გონებრივი იერიში კოგნიტურ სქემაზე მუშაობა	მთელი კლასი	ასოციაციური რუკა	3წთ.
3	აქტივობა:მინი ლექცია/ახალი ცოდნის საკონსტრუირო მასალა აქტივობის მიზანი:მოსწავლემ შეძლოს მასწავლებლის მითითებული დავალებების შესრულება აქტივობის აღწერა:მასწავლებელი ესაუბრება მოსწავლეებს ცენტრალური მხატვრული სახეების შესახებ,აძლევს მიმართულებას საორიენტაციო თემისკენ,უხსნის სუბიექტური და ობიექტური ხედვის პლატფორმებს. PowerPoint-ის საშუალებით მოსწავლეებს აჩვენებს შესაბამის გზამკვლევს.	მინი ლექცია	მთელი კლასი	კომპიუტერი, პროექტორი, PowerPoint-ის საშუალებით გაკეთებული გზამკვლევი დამეხმარება საგაკვეთილო მიზანში გაწერილი პოეტისეული სუბიექტური და ობიექტური ხედვის გაგებასა და მათ შორის არსებული მიმართების დადგენაში.	8წთ.
4	აქტივობა: ლექსის ანალიზი აქტივობის მიზანი: ახალი ცოდნის წვდომა აქტივობის აღწერა: მასწავლებელი კლასს ყოფს ორ ჯგუფად. ჯგუფებს სთხოვს, ერთმა ლექსიდან ამოწეროს სტრიქონები , რომლებშიც სულის ისტორია იკითხება, ხოლო მეორემ -- რეალური სამყარო (მცირე კომენტარებით).	პრაქტიკული მუშაობა	ჯგუფური მუშაობა	ფლიფჩარტი, მარკერი, ფურცლები, კალმები	7წთ.
5	აქტივობა:მოსწავლეთა ნამუშევრების პრეზენტაცია აქტივობის მიზანი: ჯგუფებმა კლასს გააცნონ თავიანთი ნამუშევრები აქტივობის აღწერა: პრეზენტაციას გააკეთებს ორივე ჯგუფი	პრეზენტაცია	ინდივი დუალური	ფლიფჩარტი, მარკერი	6წთ.
6	აქტივობა: სადისკუსიო კითხვის დასმა: გალაკტიონ ტაბიძის „თოვლი“ --ეს არის სულის მდგომარეობა(სუბიექტური ხედვა) თუ რეალური სამყაროს(ობიექტური ხედვა) განცდა? აქტივობის მიზანი: მოსწავლეებში სადისკუსიო უნარ_ჩვევების ჩამოყალიბება. აქტივობის აღწერა: პრეზენტაციის შემდეგ,  სწავლების ლოგიკიდან გამომდინარე, უნდა გამოიკვეთოს -მოსწავლეების მიერ დანახული ავტორისეული სულის ისტორია რეალური სამყაროც  რომ არის და პირიქით. ამის შემდეგ მასწავლებელი სვამს სადისკუსიო კითხვას.	დისკუსია	მთელი კლასი		7წთ.
7	აქტივობა: მინი ლექცია აქტივობის მიზანი: ცოდნის გამთლიანება აქტივობის აღწერა:მინი ლექციის თემა-გალაკტიონის პოეზიაში სულის მდგომარეობა და რეალური სამყარო გაერთიანებული სუბსტანციაა. (აუცილებელი არ არის ამ აზრს მოსწავლეები დაეთანხმონ. მათ თავიანთი აღმოჩენები ელოდებათ).	მინი ლექცია	მთელი კლასი		4წთ.
8	შეფასება: სწავლის გაუმჯობესების მიზნით, განმავითარებელი შეფასება (მასწავლებელი კლასს/მოსწავლეს ეტაპობრივად მისცემს განმავითარებელ შეფასებას) განმსაზღვრელი შეფასება შეფასდება დისკუსია				5წთ.

 გაკვეთილის ბოლოს მისაღწევი შედეგები:

მოსწავლემ

ü  ამოიცნო სიმბოლოები და მათ ფონზე გაიაზრა თოვლის მხატვრული სახის ღირებულება ლექსში;

ü  დააკვირდა  ავტორის სუბიექტურ და ობიექტურ ხედვას ლექსში;

ü   გამოხატა საკუთარი დამოკიდებულება გაკვეთილის თემად გამოტანილი სადისკუსიო კითხვის მიმართ, დაიცვა  სათანადო არგუმენტაციით.

შეფასება:

განმსაზღვრელი შეფასება(დისკუსია)

კრიტერიუმები	კომპონენტი
მსჯელობის, არგუმენტირების უნარი	მკაფიოდ და გასაგებად აყალიბებს აზრს,საკუთარ მოსაზრებას, მსჯელობს არგუმენტირებულად.	3
	მსჯელობს  ზოგადად,  დასასაბუთებლად ხანდახან მიმართავს მაგალითებს.	2
	მსჯელობა ხანდახან გასაგებია , არ არის დასაბუთებული. არგუმენტაცია  ბუნდოვანია.	1
	არ  ერთვება  დისკუსიაში, არ გამოთქვამს  მოსაზრებებს.	0
საკომუნიკაციო უნარები	იყენებს არავერბალური კომუნიკაციის ფორმებს (თვალით,ჟესტებით, ხმით).	2
	ხანდახან იყენებს  არავერბალურ  საკომუნიკაციო  ფორმებს.	1
	არ  იყენებს არავერბალურ საკომუნიკაციო  ფორმებს.	0
ოპონენტთან ურთიერთობა	კორექტულია ოპონენტის მიმართ, აქვს მოსმენის უნარი, პასუხობს კონსტრუქციულად.პატივს სცემს განსხვავებულ აზრს, შეუძლია   კონტრარგუმენტებს ღირსეულად გაართვას თავი.	3
	კორექტულია ოპონენტის  მიმართ, ხშირად ისმენს და ითვალისწინებს სხვის აზრს,ცდილობს თავი გაართვას კონტრარგუმენტებს.	2
	ცდილობს იყოს კორექტული ოპონენტის მიმართ,თუმცა უჭირს ბოლომდე მოუსმინოს მას.ვერ უკლავდება კონტრარგუმენტებს.აქვს არასაკმარისი ლექსიკა.	1
	ოპონენტთან ურთიერთობა არ შეუძლია არასაკმარისი ცოდნის გამო / ან სხვისი  აზრისადმი  შეუწყნარებელია,აქვს  ცინიკური  დამოკიდებულება.	0
დასკვნების გაკეთება	აანალიზებს,  აჯამებს, გამოაქვს დასკვნა.	2
	ვერ გამოაქვს დასკვნები ,მხოლოდ აზრებს აყალიბებს.	1
	დასკვნები არ  ეხება  სადისკუსიო  თემას/  ან მხოლოდ აზრების წარმოთქმით კმაყოფილდება.	0

ხელმოწერა:                              /მთვარისა ბესელია/

თარიღი:18.03.2019წ.